Կոճի եւ դաստակի վնասվածք. փաստեր եւ խորհուրդներ. news.am

Հարմար եղանակին շատերս ենք սիրում զբաղվել այս կամ այն սպորտաձեւով (լինի դա չմշկասահք, թե՝ ֆուտբոլ), նույնիսկ առանց մտածելու, որ հեշտությամբ կոճի կամ դաստակի վնասվածք ստանալու ռիսկի ենք ենթարկվում: Այնինչ մեկ սխալ քայլն անգամ, հատկապես, երբ բաց ձեռքով ընկնենք, կարող է հիշյալ բարդ հանգույցներում առկա փոքր չափերով աչքի ընկնող ոսկրերի ջարդման պատճառ դառնալ:

Ջարդվա՞ծք, թե՞ ձգում

Վնասված կոճի կամ դաստակի պարագայում դժվար է անմիջապես գլխի ընկնել՝ ջարդվա՞ծք կա, թե՞ ձգում: Երկրորդ տարբերակն այն դեպքն է, երբ հոդերի կապանները չափից ավելի լայն են ձգվում: Ընդ որում, դրանք նաեւ պատռվելու հատկություն ունեն: Ավելին՝ ձգված կապանները կարող են նույնչափ ցավ պատճառել, որքան ջարդվածքի դեպքում է ի հայտ գալիս, եւ այտուցման պատճառ դառնալ:

Իսկ ջարդվածքը կարող է ակնառու լինել միայն այն պարագայում, երբ կոճի կամ դաստակի դեֆորմացիա է նկատվում: Երբ ինչ-որ ցցված բան եք տեսնում, որն անզեն աչքով նույնպես նկատելի է: Հակառակ պարագայում, ջարդվածքը ձգումից տարբերակելու համար ռենտգեն հետազոտության կարիք կարող է զգացվել:

Ի՞նչ է հարկավոր անել, երբ ջարդվածք է կասկածվում

Եթե կասկածում եք, որ կոճի կամ դաստակի ջարդվածք ունեք, հարկավոր է անհապաղ շտապ օգնություն զանգահարել: Բուժհաստատություն տեղափոխվելուն պես ռենտգեն հետազոտություն կանցնեք՝ ախտորոշումը ճշտելու համար: Այուհետեւ օրթոպեդը բուժման լավագույն եղանակը կորոշի:

Սակայն մինչ այդ, ցավը մեղմելու եւ այտուցվածությունից խուսափելու համար, հետեւյալ միջոցառումներն է առաջարկվում.

• հանգիստ վիճակում մնալ, վնասված հոդը հնարավորինս պահել անշարժ,
• սառույց դնել՝ օրական 3-4 անգամ, 20-30 րոպե տեւողությամբ, 
• թրջոցներ դնել վնասված հատվածին,
• դաստակի վնասվածքի դեպքում ձեռքը սրտի մակարդակից բարձր պահել՝ որքան հնարավոր է երկար տեւողությամբ:

Բուժման եղանակներ

Կապված ջարդվածքի տիպից, տեղից եւ բարդության աստիճանից՝ կոճի կամ դաստակի վերականգնման մի քանի առավել լայն տարածում գտած եղանակներ գոյություն ունեն.

• ձգում,
• ոսկրի վերատեղակայում եւ ձգում,
• վիրաբուժական միջամտությամբ` ուղղում. այս պարագայում ջարդվածքն ուղղելու եւ անհրաժեշտ տեղակայմամբ պահելու համար նույնիսկ պտուտակների կարիք կարող է զգացվել:

Այդուհանդերձ, լիարժեք ապաքինման համար բուժող մասնագետը երբեմն կարող է ֆիզիոթերապիա նշանակել, որի օգնությամբ հոդի շարժունակությունը վերականգնելու հնարավորություն կստանաք:

Հարցեր, պատասխաններ, մեկնաբանություններ